2016年11月30日 星期三

Tod's and hogan spring summer 2017


尋日去咗睇 Tod's and hogan SS17 preview 
今次Tod's 出咗好多新嘅顏色, 
自己最鍾意就係呢個mini size ! 
執孭又得斜孭又得


呢個Mini size最新嘅有呢兩隻顏色
左右兩隻角,用返佢哋一向嘅豆豆pattern 
不過size就有啲唔同啦


呢種豆豆Pattern 無論係手袋
又或者係男裝鞋都有佢嘅蹤影
呢對鞋郭富城都又係Tod's 嘅event 着過架


今季佢哋加左好多手織嘅元素
全部都係用人手製造織出來
所以價錢貴都係有佢嘅原因
呢一季仲有出咗大大個嘅手袋掛飾
亦都加入左手織嘅元素

仲有三款動物俾你揀



另外係外套同鞋方面,
佢哋搵咗專人手畫嘅龍紋身圖案
在欣賞被外套同皮鞋上面
靈感係來自tattoo,


男裝款嘅鞋同背包就加入咗pash皮革
  成個系列嘅皮都經過特殊處理
皮嘅表面用手工塗層
營造出仿舊嘅感覺


今季嘅hogan破格元素可謂十足
Traditional 86 呢個系列今季有好多天馬行空嘅圖案
特別想表現出佢哋青春嘅個性

而厚底鞋都可以講係大行其道
設計師特別想厚底嘅款式可以當作
Business 用途,所以將唔少皮鞋及牛津鞋款
加上厚底設計


等大家返工以外嘅時間都一樣可以着hogan 行街街!




2016年11月14日 星期一

3D dinner


作為女仔,冇理由冇嚟過 maison Es 
呢間位於灣仔星街嘅小店,
門口有架單車,
入邊全部都係好fancy 嘅裝修
食Tea嘅時建議都係唔好叫男仔一齊來
😂😂😂因為九成九全部都係女仔
不過今次去試新野,發現晚餐時間就多咗好多男仔嘞



先介紹吓今次去試食嘅係3D dinner 
外國其實早幾年都有,
不過係香港就係第一次有,
而且仲係喺上海帶返嚟香港𠻹
尋日開始正式接受上網Booking

3D dinner 意思即係用投影效果
運用喺餐桌上,令到大家同時可以
感受到視覺同味覺嘅享受

先講下成個Menu有四道菜,
除咗第一道starter 之外,
其餘三道菜(包括甜品)都有video,
由一個小小廚師,為你烹調唔同食物


分別係沙律,海鮮湯,牛扒同甜品
唔好以為四道菜份量好少,
以女仔份量計,食到去牛扒就已經開始飽啦



就座之後,服務員會首先要食客盡量保持
面前嘅碟要保持乾淨,以方便投影
(由於我哋太為食,成日都食到周圍都係😂)
服務員仲會提醒,大家幾時開始要
準備相機,隨時要拍片同影相
投影嘅範圍,唔止係面前嘅碟
碟以外嘅範圍都會被投影到
所以枱面嘅乾淨程度,對投影效果都會有影響
食嘅時候大家就要保持乾淨啦

建議大家可以約埋一班朋友,
一齊去,過程好玩又得意,
非常推薦!

訂座網站

#lepetitchef

終於去到曼谷最正tea set !



呢度超有feel ❤️想去好耐一直都無去到
可以係度hea足全日,淨係影相都有排影!
環境靚仲有live music , 
最後叫咗個二人tea set share 
都已經好夠食,我哋仲特別叫咗個泰式tea set , 比平時食嘅西式 tea set 
更特別,雖然甜點都係比較甜
不過每樣食物都係地道小食
有啲我哋喺夜市都會見到嘅小食

都出現喺呢個tea set 度

由於我哋淨係叫咗一人份量,
價錢大概係1450 baht ,約$324左右





我可以講,呢個價錢淨係入來影相都抵
仲可以係酒店入邊行下聽下
其實露天位置都有另一間餐廳,
可以喺河邊睇日落,都好浪漫架~ 

喺bts 站2號出口出嚟就會見到呢個碼頭


Author's lounge 

地址: 48 Oriental Avenue, Bangkok 10500, Thailand

網站:http://www.mandarinoriental.com/bangkok/fine-dining/authors-lounge/

到BTS Saphan Taksin 2號出口,
有免費船直接去到酒店





2016年7月20日 星期三

水光療程初體驗

之前啲朋友成日都話買水光面膜
不過其實好多人都唔知係乜嘢嚟
啲朋友之前都推介我買韓國嘅水光面膜
話敷完之後效果好好,唔化妝都會有bling bling 嘅效果

今次終於的起心肝去咗試做水光槍嘅療程
因為近期成日出埠拍攝外景曬到皮膚都乾咗好多
做療程之前上網睇左好多資料
好多人做完之後都會面部泛紅或者有瘀
搞到我都嚇一嚇
不過一聽到水光療程做完之後等同你敷咗8000次面膜
真係心郁郁好想試
不過其實做呢類型嘅療程,最緊要係搵有醫生嘅美容院
當然搵信譽好嘅嘢都好緊要啦!

係做之前首先會做一個皮膚分析


簡單影幾張相,就會知道皮膚嘅情況
點知顯示我係水份不足😱😱😱
分析完之後就可以選擇你想注入嘅營養
因為水光療程其實係將透明質酸直接打入你皮膚底層
不過除咗透明質酸之外,你仲可以選擇注入維他命C,激活細胞,同胎素嘅營養

呢度真係令我好頭痕,因為我又想美白
又想激活細胞嘅增生🤔🤔真係諗左好耐架


揀選好之後就會為係面上塗上舒緩膏
呢個過程係需要有醫生在場先可以做架
時間大約要15至20分鐘
為嘅就係等做療程嘅時候能夠減少痛楚
敷完舒緩膏面上會有些小麻痹嘅感覺
開頭我都好唔慣,感覺塊面好似唔屬於自己咁😂😂😂


之後就正式開始啦,開始嘅時候會好似有少少俾針拮嘅感覺
不過其實並唔係想像之中咁痛
最勁嘅佢係可以連眼圈位置都可以打埋
更眼嘅位置都會遂一細打,可以有效淡化黑眼圈架

成個過程大約係半個鐘左右就已經打晒全面
不過療程未完架,打完之後佢哋仲會為你敷上厚厚嘅面膜舒緩返打完嘅紅腫


哈哈敷面膜嘅時候係咪睇落去都唔太紅呢?!


好啦敷完面膜俾大家睇吓,
除了額角同面頰兩邊有紅之外
其他部份都冇事喎,
連美容院嘅同事都話好似冇打過一樣好勁!
當然呢一個效果係因人而異嘅,有啲人皮膚比較敏感,會出現紅腫嘅情況
不過係正常現象過幾日之後就會慢慢消退
但係已經睇到皮膚充滿水份好bling bling 啦!
不過其實之後嘅保養先係最重要,
除咗當日不能夠化妝,之後嘅幾日都要加強做防曬同每日敷水份面膜
做完療程之後,效果最明顯係幾星期或者一個月後
所以做完之後皮膚乾千祈唔好唔會,
因為只係暫時性只要多做保濕
好快就會見到靚靚肌膚啦!



2016年7月11日 星期一

每道菜都喜出望外嘅法日料理



今次去呢間新嘅餐廳
試嘅係6 course Menu $980
如果想試晒全部款店舖仲有8 course Menu俾你選擇$1380 
鍾意邊飲邊食嘅朋友仲可以配wine pairing 都係加四百幾蚊左右可以講係物超所值
不過餐廳開張不久,暫時不設午市同a la carte menu 

餐廳係做法日料理,主廚 Ozawa ryogo 
小沢先生曾經係日本同法國嘅米之蓮三星餐廳工作,食嘅時候你就會感覺到
佢哋挑選食材嘅誠意

店舖面積唔算大,座位大概有20個左右
但係我就係鍾意佢夠清靜座位都夠闊落
而且裝修簡潔,望落去簡單舒服
餐廳仲設有室外位置,不過當日天公不造美
所以冇得欣賞出邊嘅景色啦


其中以呢一個頭盤令人眼前一亮
plage et Montagne 
蟹肉入邊夾雜水果
蟹肉拆成一絲絲,夾起水果上嚟
口感非常之清新,面再配上由廚師親自淹制的漬物



Sauvage 
呢款以A5和牛做食材嘅主菜
一上枱就俾佢嘅外貌吸引
上邊配上一個薯圈
旁邊仲配襯小麥草
唔好睇小呢個薯圈,入口薯仔味濃之餘
炸完嘅薯仔亦唔會太油膩


個course仲有兩個甜品
Paix 
呢個朱古力撻上枱嘅時候都嚇親我
因為佢係全黑色嘅,
加上切開佢嘅時候外皮成個都硬身
同以往食到嘅朱古力撻有啲分別
入邊有雲呢拿嘅custard 
食落有濃濃嘅酒香配以紅桑子
味道都算幾夾



Le reve 

銅鑼灣耀華街38號zing ! 10樓

2016年6月3日 星期五

人蔘雞中的鮮味

之前去食首爾塔套餐,
雖然香港有好多食蒸海鮮的地方



通常大部份店舖,都係豬骨粥底
不過呢間有我最喜歡嘅人參雞粥底
蒸完海鮮嘅汁,
會留返用嚟煮粥
個人蔘雞仲要有糯米係入邊!好正丫!




今次我哋呢個餐,雖然只係得五層
但係每層都份量十足
海鮮方面,大蚌同北寄貝同龍躉
比較少能係套餐入邊食到
而且份量都算大,大蚌更加係啖啖肉

另一個亮點,唔係佢嘅醬油
有三款韓式醬汁俾你揀
個人最鍾意柚子醬油,唔會太甜仲有啲酸味!

不過食完五層嘅海鮮,
都已經飽到捧住個肚,不過餐廳都非常之建議,大家可以打包個粥底
返去慢慢食架!

九重鮮
地址:黃埔花園十一期地下


#hailey好食推介 #hailey好味推介
#九重鮮

2016年4月29日 星期五

站立式體驗平價分子美食


站立式嘅晚餐自己都係第一次試
仲要係體驗分子料理嘅餐廳
的確加深咗值得去試嘅理由
呢間餐廳只係得一個Menu
分三個時段,
主打平民分子料理
六道菜嘅Menu 只係要$230
呢個價錢出去食餐飯都唔只,
更何況係分子料理
飲品就要另外加錢叫

舖頭位於銅鑼灣,店舖面積不大
只可以容納10-12位食客



店舖屬於開放式廚房,食客可以睇住廚師煮嘅每一個步驟
好似橙色呢個哈密瓜晶球
你會睇住佢有沒有由哈密瓜汁演變成晶球嘅過程

第二道菜就係食用膠雲吞配日式高湯,
不過個人就覺得冇乜特別

呢一個味道就係西班牙番茄凍湯
味道都幾相似不過食嘅時候就要小心凍親

呢個係其中一個幾鍾意嘅菜式

煙熏慢煮三文魚
聞嘅時候有燒木嘅味道
食落去嘅口感非常嫰滑
三文魚嘅熟透程度剛剛好
保留到三文魚嘅原汁原味
玻璃樽入邊仲有新鮮嘅香草配襯出味道

食完咁多道菜,都有種未飽嘅感覺
唔使驚因為最後一道菜先最飽肚
就係煲仔神戶牛柳西班牙飯
第一次是西班牙飯有少少飯焦嘅感覺
廚師將蒜蓉味道打成泡沫
等大家可以隨意加入煲仔飯當中
個人覺得加左泡沫嘅飯比較幼滑同味道較濃
食落有另一種感覺


Three dice kitchen 
禮頓道136號希雲閣地下